Тіл туралы мақал-мәтелдер

Cіздердің назарларыңызға тіл өнері жайлы бір топ мақал-мәтелді ұсынғалы отырмыз.

Тіл – көңілдің кілті.

***

Тіл тәтті, бауыр қатты.

***

Тіл қылыштан өткір.

 ***

Тіл – тіліп түсер наркескен,

Сөз – өткір жебе тау тескен.

 ***

Тілде тиек жоқ, ауызда жиек жоқ.

Тілмен тікен де алады.

***

Тіл ерді қабірге салар,

Нарды қазанға салар.

***

Тілі екеудің ділі екеу.

***

Тіріде жанға тыным жоқ,

Қызыл тілде буын жоқ.

***

Тілге шешен, іске мешел.

 ***

Ашынғанның тілі ащы.

***

Ашынған тілді, ашыққан ұры болады.

 ***

Тіс – тілдің қамалы.

***

Пілден тіл күшті.

 ***

Піл көтермегенді тіл көтереді.

***

Татуға – тіл, сұлуға – сұқ.

***

Тексіздік – тілсіздіктен.

***

Ең тәтті де – тіл,

Ең ащы да – тіл,

Ең жұмсақ та – тіл,

Ең қатты да – тіл.

 ***

Қу тіл – қоңылтақ етік.

 ***

Ер қазынасы – жүрген із,

Ел қазынасы – көне көз,

Тіл қазынасы – ескі сөз.

***

Қотыр қолдан, пәле тілден жұғады.

***

Адам тілінен табады,

Сиыр мүйізінен табады.

***

Тіл – ақылдың өлшемі.

***

Тілді ноқталасаң, басың сақталады.

 ***

Жалақ кісі тілінен жазар,

Таз кісі қолынан табар.

 ***

Әдеп басы – тіл.

***

Тілмен байланған қолмен шешілмейді.

 ***

Он пәленің тоғызы – тілден.

 ***

Өткір тіл – дарын,

Ұзын тіл – жауың.

 ***

Кінәлінің тілі қысқа.

 ***

Бал тамған тілден у да тамады.

 ***

Пенденің қарны тойса,

Тілінен ерік кетеді.

 ***

Қызыл тіл - жанның мияты,

Абырой – ердің қуаты.

 ***

Айтсам, тілім күйеді,

Айтпасам, ділім күйеді.

 ***

Сыйларға асың болмаса,

Сипарға тілің болсын.

 ***

Бас кеспек болса да,

Тіл кеспек жоқ.

 ***

Ашуың келсе, қолыңды тарт,

Айтпас жерде тіліңді тарт.

 ***

Тіл – бұлбұл, сөз – бұлақ.

 ***

Тіл дәмдіні ұнатар,

Көз әрліні ұнатар.

***

Тіл – ойдың шындығы.

 ***

Тіл қаруы – сөз.

 

Тіл – ұлттың жаны.

***

Тіл – көңілдің тілмәші.

 ***

Адам көңілден азады,

Тілден жазады.

 ***

Туған жер – тұғырың,

Туған тіл – Қыдырың.

 ***

Тілін білмеген түбін білмейді.

***

Көнектей басқа шүмектей тілің жау.

***

Қажетті сілтемелер:

Тіл туралы басқа да мақал - мәтелдер

Сайттағы барлық мақал - мәтелдер

Ұлағатты сөздер

Өнер-білім, тіл туралы қанатты сөздер

Отбасы туралы мақал - мәтелдер

Туған күнге арналған тілектер

Достық туралы мақалдар

Достық туралы ұлағатты сөздер

Достық, татулық туралы мақал-мәтелдер

---

Әлеуметтік желілерде бөлісіңіз: