Қоғамдық мәселелер

      Қоғамдық мәселелер – қоғамның дамуына, өмір сүру сапасына және әлеуметтік әділеттілікке әсер ететін түйткілдер. Қазіргі таңда Қазақстан Республикасындағы ең ауқымды мәселелердің бірі – жұмыссыздық. Статистика бойынша, Қазақстанда жұмыссыздық деңгейі шамамен 4,8–5,0% құрайды. Алайда бұл көрсеткіш тек тіркелген жұмыссыздарды қамтиды.

      Жұмыссыздықтың негізгі себептері – экономикалық тоқырау, білім беру жүйесі мен еңбек нарығы талаптарының сәйкес келмеуі, аймақтық теңсіздік, тәжірибенің болмауы және тағы басқа факторлар. Егер жұмыссыздық деңгейі өссе, елде кедейлік пен қылмыстың көбеюі сияқты өзге де ауқымды әлеуметтік мәселелер туындайды.

        Сондықтан бұл мәселені жедел шешу қажет. Мысалы:

 • Жұмыс берушілердің нақты сұранысына сай оқыту жүйесін құру;

 • Ауылдық жерлерде шағын және орта бизнесті дамытатын инфрақұрылым қалыптастыру;

 • Студенттер мен түлектерге жұмыс орнында тәжірибе жинауға мүмкіндік жасау.

Осындай қадамдар жұмыссыздық мәселесін біртіндеп шешуге ықпал етеді.

«Journiverse» білім беру орталығының оқушысы: Абдраман Аяужан