Үш таз

Басты бет / Қазақша ертегілер (1000+) / Үш таз

Үш таз — Қазақша ертегілер (1000+) бөліміндегі материал.

Материал — ғарып, шал, қыз, ертегі — осы тақырыптарға байланысты.

Ертеде бір ғарып шал болады. Шалдың жан дегенде жалғыз қызы, мал дегенде бір көк сиыры болады. Шал бір күні көк сиырын өзенге суарып, судың жағасында дем алып отырады. Судың жанында шалдан бұрын келген үш таз отыр екен. Қасына келіп отыра бергенде бір таз «өлтіремін» деп жабыса кетеді. Шал байғұс жалынып: «Көк сиырымды берейін, қоя бер», – дейді. Қоя бермейді. «Қызыңды берсең, қоя беремін», – дейді. Шал байғұс қорыққанынан « берейін» дейді.

Үш таз шалды қоя береді. Шал үйіне келеді. Бірақ ас-су ішпей, үһілей береді. Сонда қызы отырып әкесіне:

— Әке, неге ас ішпей үһілей бересің? – дейді.

— Көк сиырды жайып жүргенде, бір үш таз жұмбақ айтысып отыр екен, мен қасына бара беріп едім, біреуі жаңылып кетіп, менің жұмбағымның құйрығын үздің деп өлтірмек болды. «Өлімнен қорыққанымнан сені соларға беремің деп уәде ғып келдім», – дейді шал.

— Әке, оның несіне уайымдайсың? Асыңды іш те ұстаға кете бер, – дейді қызы. Шал асын ішіп, ұстаға кетеді. Бір уақытта қыз бастары жалтырап, жүгіріп келе жатқан үш тазды көреді. Қыз бөркін жүктің үстіне қойып, ұршығын қолына алып, есіктің алдына шығып, тұра қалады. Үш таз жүгіріп келіп:

— Есікке неге тұра қалдың, қыз ханым? – дейді.

— Етектеріңді неге түрдіңдер таз ханым? – дейді қыз.

— Бөркің қайда қыз ханым? –дейді.

— Шашың қайда, таз ханым?

— Әкең қайда, қыз ханым?

— Атам тышқанның мүйізінен пышақ соқтыра кетті, таз ханым!

— Тышқанның мүйізі бола ма екен, қыз ханым!

— Жұмбактың құйрығы бола ма екен, таз ханым! Таз:

— Ой, тіліңді тәңірі кессін! – деп, жеңіліп сырт айналып кеткен екен.

ғарып шал қыз ертегі көк сиыр Үш таз ханым өзен

Пікірлер (0)

Пікір қалдырыңыз

Ұқсас материалдар

Жиі қойылатын сұрақтар

Үш таз деген не?

Бұл бетте Үш таз тақырыбы бойынша негізгі материал берілген.

Бұл мақала қай бөлімге жатады?

Бұл материал Қазақша ертегілер (1000+) бөліміне жатады.

Осы тақырыпқа ұқсас материалдарды қайдан табуға болады?

Ұқсас материалдарды осы беттегі тегтер, бөлім сілтемелері және төмендегі қатысты материалдар арқылы көруге болады.

Осы тақырыпқа қатысты басқа материалдар

Үш таз материалы Қазақша ертегілер (1000+) бөліміне жатады. Осы тақырыпқа жақын жазбаларды бөлім, тег және автор сілтемелері арқылы табуға болады.

Қазақша ертегілер (1000+) бөліміндегі басқа материалдар ғарып тақырыбындағы материалдар шал тақырыбындағы материалдар қыз тақырыбындағы материалдар ертегі тақырыбындағы материалдар көк сиыр тақырыбындағы материалдар Үш таз тақырыбындағы материалдар