Бақыт деген не?

    Бақыт – адам бойындағы ең ғажайып сезімдердің бірі. Ол кез келген пенде сезіне бермейтін, көзге көрінбейтін, қолға ұсталмайтын, бірақ жүрекпен сезілетін ерекше эмоция. Нағыз бақытты шынайы сезінген адамдар аз дейді ғалымдар.

Қазіргі таңда әлем елдері арасында бақыт деңгейін анықтайтын арнайы рейтингтер жасалады. Бұл зерттеулердің мақсаты – халықтың қазіргі өмір сапасын, көңіл күйі мен әлеуметтік жағдайын бағалау.

Бақыт индексі – бұл бақытты және бақытсыз адамдар арасындағы айырмашылықты көрсететін көрсеткіш. Gallup International ұйымының зерттеуі әлемнің 44 елінде жүргізіліп, оған 41 560 адам қатысқан. Ал World Happiness Report деректеріне сәйкес, Қазақстан тұрғындарының бақыт деңгейі бойынша әлемдегі үздік 50 елдің қатарына сенімді түрде енген.

Рейтинг бойынша қатарынан сегізінші жыл бірінші орынды Финляндия иеленді. Сондай-ақ Дания, Исландия, Швеция және Нидерланды үздік бестіктен орын алған. Ал Қазақстан 43-орында тұр, бұл — Ресей, Қырғызстан, Тәжікстан, Армения, Грузия және Әзірбайжанды артта қалдырған нәтиже. Украина 111-орынға ие болған.

«Journiverse» білім беру орталығының оқушысы: Ким Жасмин