Бақыт деген не?

   Бақыт – адам бойындағы ең ерекше әрі ғажайып сезімдердің бірі. Ол көзге көрінбейтін, қолға ұсталмайтын, бірақ жүрекпен ғана сезілетін ұлы эмоция. Нағыз бақытты сезіну – кез келген адамның қолынан келе бермейтін, өмірдің ең асыл сәті.

Қазіргі таңда көптеген елдер арасында бақыт деңгейі рейтингі жасалады. Мұндай зерттеулердің басты мақсаты – халықтың жалпы өмір сапасын және әлеуметтік жағдайын бағалау.

Бақыт индексі – бұл өздерін бақытты сезінетін және бақытсыз деп есептейтін адамдардың арасындағы айырмашылықты көрсететін көрсеткіш. Gallup International ұйымының зерттеуіне сәйкес, сауалнама әлемнің 44 елінде жүргізіліп, оған 41 560 адам қатысқан.

Ал World Happiness Report рейтингі бойынша, Қазақстан халқы бақыт деңгейі жағынан әлемнің үздік 50 елінің қатарына енген. Бұл туралы Almaty.tv телеарнасы хабарлады.

Рейтинг нәтижесінде:

• Бірінші орынды қатарынан сегізінші рет Финляндия иеленді;
• Сондай-ақ Дания, Исландия, Швеция және Нидерланды үздік бестікке кірді;
• Қазақстан – 43-орында орналасып, Ресей, Қырғызстан, Тәжікстан, Армения, Грузия және Әзірбайжанды артта қалдырды;
• Ал Украина 111-орынға ие болды.

«Journiverse» білім беру орталығының оқушысы: Ким Жасмин