Былтыр Қазақстан мектептеріндегі орын тапшылығы 55 мыңнан асты

2016 жылы Қазақстанда мектептердегі орын тапшылығы 55 мыңнан асып түсті, деп хабарлайды finprom.kz.

Статистикалық деректерге сәйкес, 2015 жылы орта білім мекемелерінде орын тапшылығы 39,9 мыңды құрап, 2010 жылмен салыстырғанда 60% азайған еді.  2016 жылы бірінші сынып оқушыларының саны 370 мыңға күрт артуына  (2015 жылмен салыстырғанда +10%) байланысты, орын жетіспеушілігі 55,2 мыңға дейін жетті.

Тапшылықтың артуына сондай-ақ Қазақстандағы жалпы білім беретін мектептер санының жыл сайын азаюы әсер етуде. Әр жылы елдегі мектептер саны 1% қысқарып отырады, осылайша, 2016 жылы республика аумағындағы мектептер саны 7,37 мыңды құрады. Бұл көрсеткішке апатты жағдайдағы мектептердің 93-тен 37-ге дейін қысқаруы да өз ықпалын тигізбей қоймады.

Сонымен қатар, мектептердегі білікті педагогтар саны артып келеді. Жоғары және бірінші санаттағы мұғалімдер саны 2015 жылы 49,8%  құраса, 2016 жылы 50,7% дейін жеткен. Ең жоғары көрсеткіштер - Павлодар облысында (58%), Астана (57%) және Алматы (56%) қалаларында. Ал ең төменгі көрсеткіштер Маңғыстау (44%), Оңтүстік Қазақстан (45%) және Ақтөбе (45%) облыстарында белгіленді. 

Әлеуметтік желілерде бөлісіңіз: