Көңілді қыс

Семей қаласы «№44 ЖОББМ» КММ
5 «Г» сынып оқушысы Тугелова Айнұр
Жетекшісі: Атиманова Нургуль Минияхметовна

Табиғаттың әрбір маусымы ерекше. Әр маусымның өзіне тән қызығы мен серуені бар. Соның ішінде қыс мезгілі де өзіндік кіршіксіз аппақ қарымен, қаһарлы мінезімен, сықырлаған аязымен ерекше. Бұл мезгілде адамдар табиғаттың құпиясын, ерекше бір ұмытылмас сәттерін тамашалайды. Айнала аппақ қар.  Балалар далада шанамен сырғанап, коньки теуіп, аққала жасап кейбіреулері мұзға шаңғымен сырғанап, ойнап жүр. Әркім бұл мезгілді асыға күтетіні рас. Бірі шаналарын арқалап, биік жоталарға, бірі таулы қыраттарға бет түзейді. Далада  қолдан сырғанақ жасайтын қызықты кездерде өз алдына бір бөлек әңгіме. Қолдарына шана сүйреген балалар, жүздері күлкіге толы адамдар барлығы бейне бір қыстың суығын емес, оның жылы нұрын, ыстық тартар сәулесін тауып алғандай қуанады. Даланың табиғаты тып-тыныш қалпынан, маужыраған күйінен серпіле түскендей күйде. Қыс мезгілін тағы да асыға күтуіміздің бір себебі - Жаңа жыл. Бұл мейрамды біз ерекше күтеміз. Біздер аппақ қардан аққала жасап, шырша безендіріп, аяз ата мен ақша қарды көруге асығамыз. Барлығымыз ақ тілектерімізді  білдіріп, сыйлықтараламыз. Қылышын сүйретіп жеткен қаһарлы қыстың бізге берер қызығы мен қуанышы көп. Қыс мезгілі естен кетпес оқиғаларымен, қызығымен толы деуге болады. Қыстың ғажайып ұмытылмас шақтары адам жанына шуағын шашып, нұрын төге түскендей, көтеріңкі көңіл-күй сыйлайды. Қыстың қызығы өте мол. Ит жылы құт әкелсін! Жер бетіндегі барлық жандарға тек қана жақсылық тілеймін!

Әлеуметтік желілерде бөлісіңіз: