Өлең, жыр, ақындар

Жүрек неге зат болып жаралмаған?!

  • 18.04.2015
  • 1
  • 3
  • 25340
Қарғам менің!
Қарғам менің!
Аласарып барады арман-көгім.
Жалған десе, дүние жалған ба едің?!
Жараланған көңілім дал-дал менің.
Қауырсын ең үзілген қанатымнан,
Жанарымнан шуақ ең таратылған.
Қара басқа орнатып қара тұман,
Қайғым болдың, ойымда дара тұрған.
Күйзел жан, күңірен жан, күнә басып,
Айығар сәтің сенің, сірә, қашық.
Жабығып жарығында бұл жалғанның,
Бір түйір қаным менің жүр адасып...
Мен жүрмін бақыт қуып, даңқ қуып,
Сайраңдаған боламын сауық құрып.
Кінәсі жоқ қарғамды жабықтырып,
Жолай алмай құрыдым танып тұрып...
Қарғам, сені жайым жоқ кем көретін,
Бимағұлым тағдырың сен көретін.
Зат боп неге жүрегім жаралмаған?!
Қарғаларым, сендерге тең бөлетін...



Пікірлер (3)

Мейіржан

Мен Мұқағали Мақатаевтың өлеңдерін жақсы көремін.Өйткені,ол əсерлі жазылған.Жəне мен ол өлеңдері сүйіп тыңдаймын.Əсіресе мен Ақ кимешек көрінсе өлеңін жақсы көремін.Пікір қалдырушы Мейіржан бала

Сания

Өте керемет

Пікір қалдырыңыз

Еске алу

  • 1
  • 2

...Келсең, кел.
Ұятыңмен, арыңмен кел.
Бойыңдағы жақсылық, барыңмен кел.
Биік бол, мендегінің бәрін меңгер,

Толық

Бұзылған үй

  • 1
  • 10

Тәкаппар таулар жатқан жан-жағында,
Барып қайт салқын жайлау, малды ауылға.
Бір жер бар «Қарасаз» деп аталатын,
Көресің жолың түсіп барғаныңда.

Толық

Қайран жеңгем

  • 2
  • 11

Су сұраса сүт берген, айран берген,
Қартайып қалыпсың-ау, қайран жеңгем!
Қарғаның валетіндей едірейіп,
Қасыңа мына біреу қайдан келген?

Толық

Қарап көріңіз