Алтын күз

Атырау қаласы, Ақсай селосы
Жалпы білім беретін №25 орта мектептің
мектепалды даярлық сыныбының мұғалімі
Имашева Лаззат Орашқызы

 

Тәрбиеші: Құрметті қонақтар, ата-аналар, ұстаздар! Бүгінгі кішкентай бүлдіршіндеріміздің дайындаған «Алтын күз» атты алғашқы мерекелік кешіне қош келдіңіздер!

- Балалар, айтыңдаршы қазір жылдың қай мезгілі?

Ендеше ортаға шығып күзімізге арнап өз тақпақтарымызды айтайық:

Балауса:

Армысыздар халайық,
Бармысыздар халайық
Күзгі тойды жұп жазбай,
Келіңдер қарсы алайық.

Әлішер:

Ән салыңдар күліңдер
Жайнап гүлдей жүріңдер.
Күздің тойын тойлайық
Би билейік, ойнайық.

Ақзерек:

Ақтарады мырза күз
Уылжыған жемісті
Күзге бізде ризамыз
Аянбаған ел үшін

Ақерке:

Алтын, сары, қызыл, көк
Алуан - алуан жапырақ
Ағаштардан жамырап
Ұшты кенет жамырап

Ақниет:

Ой алақай тамаша
Шашу шашты жапырақ
Бақтың іші алаша
Аунар ма еді жатып ап

- Жарайсыңдар, балалар, ендеше күздің неше айы бар? Сол айларды ортаға шақырайық.

Айзада: Қыркүйек

Бірінші қыркүйек
Білімге бастады
Мал мен аң жүр билеп
Құс шарлап аспанды

Нұрсая: Қазан

Күздің қазан айында
Алма, алмұрт піседі.
Жапырақтар сарғайып,
Сыбдыр - сыбдыр етеді.

Қасымхан: қараша

Мол байлық тергені
Шаттығы қаншалық
Қарашы өрледі
Қараша ән салып

- Ой жарайсыңдар, балалар ендеше «Күз жомарт» әнін сыйға тартайық:

Ғажайып сәт: Алтын күз келеді.

Жемістер мен көкөністердің тақпақтары:

Жоламан:  Апорт деген алма бар
Жер жаратын атағы,
Ондай алма қайда бар.
Алматы оның Отаны

Нұржан: Мен өріктен ірімін,
Алма, алмұртқа інімін
Тәттілердің бірімін,
Дастарханның гүлімін,
Сусыныңды қандырар
Салқын саумал шырынмын.

Нұрсейіт: Пісіп тұрған алмамын,
Тамсандырар бал дәмім.
Жерге сілкіп түсірме,
Ісіп кетер маңдайым.

Айзат: Мен моншақты шиемін
Құмарсындар білемін,
Кетіп қалып жүрмесін
Тамағыңа сүйегім.

Жәнібек: Тіл үйірген алмұртпын
Таңсығымын бар жұрттың
Жақсы өсіре алмайды.
Қараса егер салғырт кім

Сюзанна: Мақтанғаннан не пайда?
Менсіз дәмді щи қайда?
Мені қосса самсаға
Бәрі жейді тамсана

Асылхан: Дәмім тілді үйірген
Мен тұздалған күйімде
Жаңа піскен кезімде
Жейді бәрі сүйсіне

Құралай: Кім бар сәбіз шырынын
Жастайынан ішпеген?
Мені жеген адамдар
Кем болмайды күшке де!

Ералы: Піскен кезде қызанақ
Көз тартар қызыл түсімен
Бар ма адам сүйсінбей
Томат шырын ішпеген

- Жарайсыңдар, балалар, ендеше айналамызға қараңдаршы нелерді көріп тұрмыз? Саңырауқұлақтарда көп өседі екен. Ендеше ортаға саңырауқұлақтарымызды шақырайық:

Би «Саңырауқұлақтар»

Дәнді–дақылдар туралы тақпақтары:

Каусар: Көбейді құт береке,
Астық толы қамбамыз.
Құтты болсын мереке,
Алтын күзді тойлаймыз.

Мұрагер: Қамба толды астыққа
Алғыс саған алтын күз.
Бір уыс дән шаштық та,
Қап - қап қауын алдық біз.

Фариза: Нан анасы - бидаймын,
Нанды елге сыйлаймыз.
Піскенімде мен қырда
Қауызыма сыймаймын.

Ән «Сары алтындай сары күз»

Тақпақтар:

Қуаныш: Мен торғаймын, торғаймын
Суықтан да тоңбаймын,
Құрт-құмырсқа жәндіктен.
Бау-бақшаны қорғаймын.

Бекназар: Қатерлі қыс өткенде,
Қайтып келіп көктемде.
Күнде думан құрармыз.
Күн шуағын төккенде.

Медина: Сау-сау етіп жапырақ
Сабағынан үзілді
Қоңыр тартып атырап,
Көкте құстар тізілді.

Айым: Құстар қайтты ән салып,
Бұлт шарлады аспанды,
Қыс келеді жар салып
Күзгі суық басталды.

Ән: «Жау-жау жаңбыр»

Би: «жаңбыр мен бұлт»

Ойын: «Жауды жаңбыр»

Би «Қолшатыр»

Ойын: «себетке толтыр»

Би: «Күзгі жапырақтар»
Тәрбиеші: Құрметті қонақтар, бүгінгі  күз мерекесіне арналған ертеңгілігіміз аяқталды.

---