Күз жомарт

«Алтын күз» атты күз мерекесінің сценарийі.

«Күншуақ» 2 сәбилер тобы.

Керек заттар:үй,Қылжақбас-қуыршағы,қолшатыр,себет,кішкентай және үлкен орамал,кішкентай және үлкен жапырақ.

Мереке барысы.

«Күз келді» фонограммасымен залға кіру.

Күз:

Сәлеметсіздер ме балалар,қонақтар!

Мен -  Алтын күзбін!

Жайдары,жарқын жүзбін,

Қонаққа келдім сендерге.

Әсел ерен достарым,

Өмірге көп қосқаным.

Қымбатты сый алыңдар,

Қызығыма қаныңдар.

Молайтыңдар шаттықты,

Ән айтыңдар бақытты.

Ән: «Күз жомарт»

Күз:

-Қараңдаршы,балалар,

Мына жерде үй тұр екен.

Бұл үйде кім ұйықтап жатыр?

Тук-тук-тук,мұнда кім тұрады?

Бізге кім есікті ашады?

(Күз есікті қағады,ешкім ашпайды)

-Балалар,ешкім жауап бермейді.Не істесек екен?Кәне,барлығымыз аяғымызбен қаттырақ топылдатайық.

(Қылжақбас қуыршағы үйден сығалайды)

Күз:

-Сәлеметсің бе,Қылжақбас,

Жарқыраған қуыршақ.

 

Қылжақбас:

-Сәлеметсіздерме,балалар!

Сәлеметсіздерме,қонақтар!

 

Күз:

-Балалар,Қылжақбасқа қол бұлғайық!

 

Қылжақбас:

-Мен бүгін қуныштымын,көңілдімін,

Көптен күткен күз мерекесі келді.

Күз:

-Олай болса,біз сенен күз туралы айтып беруіңді сұраймыз.

Қылжақбас:

Бұтақтардан сөгіліп,

Жапырақтар төгіліп.

Ұшып жатыр жүз мыңдап,

Жинап алдым уыстап.

(Жапырақтарды Күзге береді)

Ал ендеше,балалар,

Бекер қарап тұрмаңдар.

Жапырақпен сиқырлы,

Қосылып тез билеңдер.

 

Би: «Жапырақтар»

 

Қылжақбас:

-Жарайсыңдар,балалар!

Тағы қандай өнер бар?

Күз:

-Қылжақбас,үйден шығып,бізбен бірге ойна.

Қылжақбас:

-Жоқ,жоқ,мен қорқамын!

(Қылжақбас тығылып қалады)

Күз:

-Неден қорқасың?Тезірек шық!

Қылжақбас:(шығады)

-Жоқ,жоқ!Балалар сондай үлкен,ал мен болсам кішкентаймын,олардың арасында жоғалып кетсем.

Күз:

-Қылжақпас,менде сиқырлы себет бар.Оған не салсаңда үлкен болып өсіп кетеді.

Қылжақбас:

-Рас па?Кәне тексеріп көрейікші!

Күз:

-Тексерсек тексерейік.Міне қараңдаршы: кішкентай орамал.Оны сиқырлы себетке саламын.Балалар,маған көмектесіңдер – алақанымызды соғамыз.

Алақанды соғамын,соғамын,

Орамал үлкен болып шығады,шығады.

(Үлкен орамалды алып шығады)

Қылжақбас:

-Қандай тамаша!Балаларда көмектесті!Тағыда тексеріп көруге болама?

Күз:

-Әрине!

(Ойын жапырақпен қайталанады)

Қылжақбас:

-Ал маған себетке болама? Менің де үлкен болғым келеді.

Күз:

-Әрине болады!

(Күз үйге кірген сияқты жақындайды)

-Секір!

(Қылжақбас себетке секірген сияқты болады)

Күз:

-Балалар,көмектесіңдер!

(Әуен ырғағымен үлкен Қылжақбас шығады)

Қылжақбас:

-Көңілді мен ойыншықпын!

Қылжақбаспын енді үлкен!

Орманды аралап,саңырауқұлақ мен терген.(мухоморды көрсетеді)

Күз:

-Қылжақбас,оның не! Бұл саңырауқұлақтар әдемі,бірақ оларды жеуге болмайды.

-Қарашы,біздің мухоморлар қалай әдемі билейді.

Би: «Мухоморлар – саңырауқұлақтар»

Қылжақбас:

-Расында өте әдемі билейді екен.Қандай жақсы балалар,жарайсыңдар! Рахмет,сендерге.(Балалар орындарына отырады)

-Жаңбыр жауды далада,

Тереземіз тық-тық

Айналамыз тамаша,

Ән айтамыз жаңаша.

-Кәне,жаңбыр туралы ән айтайық.

Ән: «Жаңбыр»

 

 

Қылжақбас:

-Жаңбыр,жаңбыр жауа бер,

Қорықпаймыз біз сенен.

Қолымызда қолшатыр,

Кел,ойнашы бізбенен.

 

Ойын: «Күн мен жаңбыр»

 

Қылжақбас:

-Күз айы тамаша,

Ән айттық жаңаша.

Би-билеп бәріміз,

Қуандық балаша.

Күз:

-Күзгі алма сендерге,

Жинап-теріп әкелдім.

Дәмді болып пісіпті,

Бақшамдағы жемістер.

Ас болсын,дәмін татыңдар!

(Күз балаларға алма таратады)

-Құрметті ата-аналар,балалар! Осымен «Алтын күз» атты ертеңгілігіміз аяқталды.Келесі күз мерекесін бірге, амандықпен қарсы алайық. Қош сау болыңыздар!

 

---