Таң алдында
- 1
- 6
Айдың да кеткісі жоқ көк бетінен,
Табандап жатып апты етпетінен.
Күн түнге таңнан хабар айтып еді,
Жұлдыздар үркіп кетті бет-бетімен.
Мықтымын ғой дегенмен...
Мықтымын ғой дегенменҚорғасындай бір салмақ кетер емес денемнен.
Басады кеп төбемнен. Қош айтысып өлеңмен,
Терезеге төнем де Алатауды көрем мен -
Басы қарға бөленген.
Бауыры көкке кенелген - Алатауды көрем мен.
(Қорғасындай бір салмақ арылмайды денемнен)
Мықтымын ғой тегінде!
Қорқытарың өлім бе, оранарым кебін бе?!
Түкірдім мен оларға!
Ей, жүрегім, жеңілме!
Ана тұрған көгінде - жұлдызың бар сенің де,
Басын иген өлімге, түкірдім мен өмірге!
Ей, жүрегім, жеңілме!
Ей, жүрегім, жеңілме.
...Мен несіне жерінем?!
Қорқатыным өлім бе?!
Қорықпай-ақ берілем
Өкінішті...
Амал не...
Өлмейтіндей келіп ем...
Мына жарық дүнием бірге туған менімен
Бірге өледі менімен!!!
Пікірлер (5)
Пікір қалдырыңыз
Жүр, қалқам
- 1
- 5
Шайқалып нұр,
Маужыраған мамырдан май тамып тұр.
Жайқалып қыр,
Тауға соққан боз сағым қайта ағып тұр.
Miss Suzi
Тамаша өте керемет өлең екен.Мағынасы бар.Қазақтардан осындай
ақындар көбейе берсін
Айдана
Маған Мұқағали атамыздың өлеңдері қатты ұнайды
Әбіләз
Маған ұнады. Рахмет
Нұрғиса
Тамаша өлең
Айша
Мұқағалидың бұл өлеңі жүректі қатты толқытады... «Қорғасындай бір салмақ кетер емес денемнен» деген жолдардан кейін өзімнің де ішкі ауыртпалығым есіме түсті. Бірақ «Ей, жүрегім, жеңілме!» деп қайталағаны соншалық күш береді. Өлімге қарсы тұрған ақынның рухы мықты ғой. Рақмет сайтқа, осындай өлеңдерді оқып отырып, өзіңді күштейсің.