Өлең, жыр, ақындар

Қазақпын

  • 04.05.2019
  • 0
  • 0
  • 6373
Қазақпын мен ұлт боп ұзақ ұйыған
Сері елмін ұнатқан күй, сүйіп ән.
Досқа құшақ ашып, жауға бас имей
Тарихтың өткен талай сынынан.
Қазақпын мен дем беріп бір - біріне
Жеткен жаңа армандаған күніне.
Білген елмін жау да оңай жік салып,
Рушылдық жететінін түбіне.
Таулы, орманды, көл, далалы - жерім кең,
Франциядан бес есе үлкен делінген.
Паналатқан мейірімімді мансұқ қып,
Жеріме көз алартпасын көрінген.
Мемлекеттік мәртебе алған тілім бай,
Қиырым жоқ қиналатын ұғынбай.
Үйренбесе өзге жүрсін жайына,
Тілін таңып күнде текке ұрынбай.
Бар өзімнің үлгілі ерлік дәстүрім,
Қорғай білер елімді өз әскерім.
Қол сұқпасын ешкім дербестігіме,
Дос пейілімен келсе дайын ас, төрім.



Пікірлер (0)

Пікір қалдырыңыз

Достықтың да шегі бар

  • 0
  • 1

Шыңда мұз, қар жарқырап,
Жаздың ашық күніне.
Сайларда су сарқырап,
Бой балқытар үніне.

Толық

Тәрбиеші

  • 0
  • 0

Бізге тәртіп үйреткен,
Ән салдырып, билеткен,
Таныстырған ең алғаш
Әріптермен, суретпен –

Толық

Бәсіре құлын

  • 0
  • 0

Торы құлын туғаннан
Болды менің бәсірем.
Кездерімде суарған
Тұрды сипап, қасып ем.

Толық

Қарап көріңіз

Басқа да жазбалар