Өлең, жыр, ақындар

Қамажай

  • 11.05.2019
  • 0
  • 1
  • 8887
Басында Қамажайдың бір тал үкі,
Айрылып Қамажайдан болдым күлкі.
Айрылып Қамажайдан отырғанда,
Келеді қай жерімнен ойын-күлкі.

Ахау хайлилайым, лилилайым,
Қамажай, қалдың кейін, сәулетайым.

Қолында Қамажайдың алтын жүзік,
Қамажай отыр ма екен көзін сүзіп.
Көрмесе жарты сағат тұра алмаушы ед,
Апырмай кетті ме екен күдер үзіп.

Ахау хайлилайым, лилилайым,
Қамажай, қалдың кейін, сәулетайым.

Ертістің жағалауын жағалаймын,
Мұз болса көк бестіні тағалаймын.
Үш топтан таңдап алған Қамажайым,
Өзіңді тоқсан қызға бағалаймын.

Ахау хайлилайым, лилилайым,
Қамажай, қалдың кейін, сәулетайым.

Мал жақсы жылқы деген бағып жүрсе,
Мойнына үкі-тамыр тағып жүрсе.
Ішінен бір жорғаны таңдап мініп,
Аулына Қамажайдың барып жүрсе.

Ахау хайлилайым, лилилайым,
Қамажай, қалдың кейін, сәулетайым.



Пікірлер (1)

Аида♡

Керемет маған осы ән ұнайды

Пікір қалдырыңыз

Жәмила

  • 0
  • 0

Торыны жаз жайламай күз жайлайды, ай, ау,
Басыңа не күн туды-ай, бізді ойламай, ау,
Жәмила-ай-ау.
Ахау, жалған-ай!

Толық

Қоңыр қаз, үйрек

  • 0
  • 0

Қоңыр қаз, үйрек, халық әні
Ендеше он бесте едім, он бесте едім,
Кезінде он бес жастың жанкеспе едім.
Қыздармен он бесімде жауласып ем,

Толық

Айнам шырақ

  • 0
  • 0

Ішімді біл деген соң, ішімді біл, айнам шырақ,
Өткен дәуір бұрынғы есіңде ме.
Өткен дәуір бұрынғы есте болса, айнам шырақ,
Көп ойланып ал оны есінемей.

Толық

Қарап көріңіз