Өлең, жыр, ақындар

Орақ

  • 23.05.2019
  • 0
  • 0
  • 1291
Мамбетовке

Қайың да сапты қаракөк
Болаттан соққан Орақ ед.
Менің момын әкемнің
Бар қаруы сол-ақ ед.
Шілденің күні туғанда-ақ
Шалғындар балқып пісерде,
Ой-хой, Орақ сумаңдап
Түсуші еді пішенге!
Шабытпен әкем бір жойқын
Жосылта кіріп соныға,
Сермеген сайын бір толқын
Жығылып қалып соңында,
Шыңылдап жан-жақ, дөңгелеп
Дүние билеп кететін,
Ұша алмай қалған көбелек
Қанатын қиып өтетін.
Жұмыскер еді сол орақ,
Тым іскер еді қарт қандай
Жыл сайын көктеп сан алап,
Сағына күтіп жатқандай.
Іздесем шабыт өзімнен,
Алдымда жайнап жыр алап.
Кетпейді ылғи көзімнен,
Жарқылдап сондай бір Орақ.



Пікірлер (0)

Пікір қалдырыңыз

Ана тілі

  • 0
  • 2

Ана тілі - Ғафу Қайырбеков
Мейлі шарлап теңіз өттім, тау бастым,
Мейлі көктің, ақ бұлтына жармастым,
Сонда дағы сен қалмассың көкейден,

Толық

Баурында бала қойшы

  • 0
  • 0

Баурында бала қойшы қой айдаған,
Маужырап кәрі жартас ой ойлаған.
Күндерін күңіреніп еске алады
Бір кезде кеудесінде жай - ойнаған.

Толық

Маяковскийдің үйінде

  • 0
  • 0

Осынау бір көне үйге
Өлеңімді көтеріп,
Ақыл алып, мен ылғи
Жүрген жандай көп келіп.

Толық