Өлең, жыр, ақындар

Барлық-Арасан

  • 25.05.2019
  • 0
  • 0
  • 2719
Жаныңа ем —
Дәру қарасаң,
Іздеп сен
Баруға жарасаң —
Жетісу бойы
Ыстық су —
«Алма-Арасан»,
«Қапал-Арасан» —
Бәрінен мықтысы
«Барлық-Арасан».
Алдында бүйректей
Тауды қарасаң,
Бейне бір шүмектей
«Барлық-Арасан»,
Атылған аспанға
Ақ жалын секілді,
Ем дейді орасан
Ауруға не түрлі.
Сондықтан ол «Барлық»
Атанған ежелден.
Қайнатпай қазандық,
Сол суға салып ап
Етін де жей берген.
Аңыз ба ол, бәлкім,
Ел, бірақ, емделген.
«Барлық» не? — денсаулық,
Барлық, амандық.
Аз күн жол салып,
Бардық, дем алдық.
Жаныңа ем —
Дәру қарасаң,
Іздеп сен
Баруға жарасаң,
Жетісу құты,
Ып-ыстық сүті,—
«Барлық-Арасан»
Еліңе айтып
Тауыспас тамашаң,
Шіркін,
«Барлық-Арасан!»



Пікірлер (0)

Пікір қалдырыңыз

Келешек күндерге сәлем!

  • 0
  • 0

Күндер, Күндер! Жылдың жақсы күндері,
Қайырлы таң, қасиетті түндері,
Сендер солай бір-біріңе ұзатып,
Бізді апарып тастайсыңдар ілгері

Толық

Қоңырау

  • 0
  • 0

Ғасыр бойы сенің үнің тынбаған,
Сыңғырыңды мен де сан жыл тыңдағам.
Көрген сайын жыл асырып, оралып
Ыстық сезім, ой саласың бір маған.

Толық

Қарақалпақ қызына

  • 0
  • 0

Әму қандай, Арал қандай
Әдемі еді сол күні!
Бір-бір қыз боп жаралғандай
Дарияның толқыны!

Толық