Өлең, жыр, ақындар

Балқадиша

  • 25.05.2019
  • 0
  • 0
  • 1591
Қазақстан Магниткасының құрылысшысы Балқадиша Шалқароваға

Балқадиша, бал еркесі Нұраның,
Сен әсемсің — сен де сұлу бір ағын.
Сенің көзің жағар болса шырағын,
Іздемеймін мен киіктің лағын.
Балқадиша, биігіңнен түс төмен,
Сені мақтап аққу демен, құс демен.
Сен адамсың адам ісін істеген,
Балқадиша, биігіңнен түс төмен.
Мақтамаймын, мақтап жатса, иланам,
Сен болыпсың еңбегіңмен сыйлы адам,
Саған арнап жаза қалса жырды ағаң,
Балқадиша, есіміңді қимаған!
Баспалдағың бұлтқа дейін өрлеген,
Тұрсың алыс, тұрсың биік сен менен,
Естілмейді дауысың да «кел» деген,
Биік құмар болдың мұнша сен неден!
Балқадиша, мейлі әйтпесе, ұша бер,
Арманыңды, аспаныңды құша бер,
Өзі-ақ сені жерге бастап әкелер
Бір қайсардың махаббаты қуса егер.



Пікірлер (0)

Пікір қалдырыңыз

Қолыңды бер, Қостанай

  • 0
  • 0

Қайда жүрсем сені есімнен тастамай,
Өтіп кетті жақсы жыл мен жас талай.
Менің атым сағыныш боп өзгерді
Сағынышқа қолыңды бер, Қостанай!

Толық

Достық, туысқандықпен

  • 0
  • 0

Достық, туысқандықпен
Татулық, жомарт пейілді,
Қашаннан жүрек, жан күткен —
Махаббат, ықылас, мейірді.

Толық

Дүңк, дүңк еткен

  • 0
  • 0

Дүңк, дүңк еткен катерлер
Дүрсіл қаққан жүрек пе?
Тіршілікті әкелер
Мынау шалғай түбекке.

Толық

Басқа да жазбалар