Аврора

Көрдім мен, өзімді өзім алып барып,
Қараймын аң-таң қалып, анық танып,
Қасымда тұр бәрі де кәдімгідей,
Бала жастан оқыған барлық тарих.
Қарсы бетте көк зәулім Қысқы Сарай,
Таң ілінер басына алтын арай,
«Аврораға» алаңдап содан бері
Әлі тұрған секілді қарай-қарай.
Бірақ үнсіз, тыныштық ендігі арман,
Ел есінде еңбегі мәңгі қалған,
Қарт революционер секілді «Аврора» —
Қарт Неваны жастанып демін алған.

---