Бұлттар – Темірхан Медетбек

Бұл бетте «Бұлттар» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 692
Көлегейлеп Алатаудың асқарын
бұлт бiткен бiрiн-бiрi жастанып,
аунақшиды тас төбемде,
бейне бiр
бұлт болып кеткендей ғой аспаным.
Көтерiлiп кеткен қалқып қона алмай,
теңiздерден, көлдерiмнен жаралған
түйдек-түйдек бұлттарды жел бiткен
тасып жатыр Атырау мен Аралдан.
Қара шашы алау-далау бұрқырап,
жел айдайды жан-жағынан жұлқылап.
Бiлем-бiлем арасында олардың
Қапшағай мен Балқаштың да бұлты бар.
Жел дегенiң осыншалық күштi ме?! –
жоталардан ұйтқып келiп түстi де
ауқым-ауқым бұлттарды алып кеп
үйiп жатыр Алатаудың үстiне...
Найзағайын қайта-қайта суырып,
төктi бұлт жер апшысын қуырып.
Тұрды Алатау
Қапшағай мен Балқашқа,
Арал менен Атырауға жуынып.


Пікірлер (0)

Пікір қалдырыңыз

Жиі қойылатын сұрақтар

Бұлттар өлеңінің авторы кім?

Темірхан Медетбек — осы өлеңнің авторы.

Бұлттар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бұлттар өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Бұлттар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері