Өлең, жыр, ақындар

Зарқұмға айтқаны

  • 29.05.2019
  • 0
  • 0
  • 2136
Жаныңнан жақын нәрсе жоқ,
Айырыларсың мұнан да.
"Дүние" деп, дінді ұмытпа,
Қаларсың қаңғып тұманда.
Өлшеулі өмірің шап-шағын,
Су сияқты құманда.
Келе жатқан өлмей кімің бар,
Көзіңді салшы бұ маңға.
Ажалдан аман қалам деп,
Бола көрме күмәнда.
Қол қусырып құлдық қыл,
Әміріне Ақтың інән да.
Қу көңіліңнен шайтанды,
Білегіңді сыбан да.
Асылында "Алла" де да отыр,
Нанмен жарты жұбан да.
Аз болдым деп ренжіп,
Көп дегенге қуанба.
 Сөйткенді сүйіп құл деймін,
Деп тұр Тәңірі Құранда.
Ат бағалы болмайды,
Шығармай шабыс құнанда.
Жасыңнан Аққа жалбарсаң,
Жақсылар болар дұғаңда.
Ер есітсең, іздеп бақ,
Шаһналықшамдай шығанда.
Тұт тәуіп оның етегін,
Басшы керек бұған да.
Тауба ету қиын қайрат, күш,
Қалмаған уақыт ұдамда.
Көбейту қиын қайрат, күш,
Сағатта сап боларсың,
Қалмасқа күнің ұланда.

1912



Пікірлер (0)

Пікір қалдырыңыз

Ауыл совет қызға айтқаны

  • 0
  • 0

Мархабат, сөзің шырын, жүзің жарқын,
Шықпайтын шын асыл ең халыққа қалпың.
Жасыңнан жақсылармен жолдас болып,
Біліммен билеп тұрсың жұрттың жарпын.

Толық

Дарақ пен сая

  • 0
  • 0

Дараққа сая бір күн өкпеледі:
– Айналдың андауымда епке, – деді.
Күн түрін көрсетпеске күні бұрын,
Жаясың жапырағыңды шепке, – деді.

Толық

Әбибулла мен Аллаяр хикаясы

  • 0
  • 0

Халық болып қатыра судан келдік мұнда,
Нәпсінің ойлап қамын дедік: "Іңга!".
Ананың алдын жайлап отыз айдай,
Емшектің еміп сүтін сарықтық жұмыла.

Толық

Қарап көріңіз