Өлең, жыр, ақындар

Келеді деп қай кезде?

  • 30.05.2019
  • 0
  • 0
  • 1302
Келеді, - деп, қай кезде?
Отырмын күтіп жолыңды.
Екі, үш рет оқып көр,
Танысаң жазған қолымды.
Айтқандарым, асылында,
Болуға тиіс толымды.
Әрқашан беріп тұрайын,
Газеттен маған кідіртпей,
Беріп тұрсаң орынды.
Сұлу боп шыққан сөздер бар,
Құралай көз, қиғаш қас,
Қыз сияқты форымды.
Орысшадан басқадан,
Беруге тауып роман,
Басамын жалпақ мөрімді.
Шаһнаманың соңынан,
Басар, - деп жүрмін ойланып,
Жинаған жастан қорымды.
Арабы, парсы аралас,
Екен деп бірақ сол кезде,
Қайнатпаңдар сорымды.
Абайдың да сөзінің,
Апат хадис ішінде,
Оқып едім көрінді.
Өздеріңе өтініш.
Уақытында жәрдем беріңдер,
Қысыңдар да ерінді.

1930.
* * *
Пайдаң не халыққа тиген мақтанғанда,
Өлімге, лажың не, сақтанғанда.
Көп сенің кемісіңді төлемейді,
Қорынды құрта сөйлеп шақтанғанда.
Жетпейді жұртқа тегіс шүлен асың,
Теңіздей таса сөйлеп тақтанғанда.
Бітірдің бір құдайдың қай қызметін,
Аллалап әулиесін ақтанғанда.
Уағдаңа өткенде айтқан опа еттің бе,
Өтірік айтпаймын деп нақтанғанда.
Тоқсанда тонсыз жүріп тоңбадың ба,
Отыңды өте өртеп қақтанғанда.
Шықпайды қарыныңнан қидан басқа,
Ақылың қай жақта деп ақтарғанда.

1930.



Пікірлер (0)

Пікір қалдырыңыз

Тайманға

  • 0
  • 0

Сәлем хат жанабыңа жаздым, Тайман,
Еппенен екі болмайды еткен пайман.
Талабың ойындағы оңғарылып,
Сұлуға қосқайсың бас нағыз Айман.

Толық

Тұрмағамбет пен Жүрсін

  • 0
  • 0

Жарайды жазған хатың, інім Жүрсін,
Қиғаш қас, құралай көз нағыз һүрсің!
Баласы Алтынайдың болғаннан соң,
Айбынба, білімге бай, анық дүрсің!

Толық

Байдашов Асқарға айтқаны

  • 0
  • 0

Сәлем берсең әрқашан,
Саламат бол, шырағым.
Болғаннан соң бастасым,
Байдашты талай сұрадым.

Толық

Қарап көріңіз