Жұмекен Нәжімеденов

Самал, самал, сері самал, сал самал

Бұл бетте «Самал, самал, сері самал, сал самал» атты Жұмекен Нәжімеденов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.06.2019
0
0
2989

Самал, самал, сері самал, сал самал,
Самал жұтып, сана жұтып тамсанам.
Бұл өмірде қайғылы екен қанша адам,
Бұл өмірде бақытты екен қанша адам!

Соның бірі – мен емес пе, мен екем,
Еңбек, бейнет болды менің мерекем.
«Құдайға да», адамға да – бір тірлік,
Бір тірлікті бәріңмен де тең етем.

Мен біреуді, мені біреу тербетті,
Жер-анаға өзге өнерді бермепті.
Адамзаттың рахатын, бақытын
Бағзы біреу қинап аққан тер депті.

Самал, самал, құлақ салшы сөзіме,
Кептірмеші, тер құйылсын көзіме.
Өзгелерге кешіретін кінәні
Кешірмеймін (қайғым осы) өзіме!

Жұмекен Нәжімеденов самал сері самал сал самал... Жұмекен Нәжімеденов өлеңдері

Пікірлер (0)

Пікір қалдырыңыз

Жиі қойылатын сұрақтар