Өлең, жыр, ақындар

Тілім өгей

  • 02.06.2019
  • 0
  • 0
  • 982
Тілім өгей,
Салтым қалмай сақтаған,
Шарасыздық шырмауында ашындым.
Шүлдірлеген білгірлері қаптаған,
Нұр нұрлаған мына билік басынды.
Жұртым жылап,
Ұлтым жырақ ғұрпынан,
Тәуелсіздік алдық па өзі бекерге?
Ақындықпен ақырғым кеп бұлқынам,
Келімсекке келіншек боп кетердей.
Жердің сорып бар байлығын әркімдер,
Тайраңдап жүр төсегіндей ойнастың.
Қорғансыз ел.
Сені ойлайтын бар кімдер?
Қырда қаңғып,
Неге босқа ойды астың?
Келешегім келмейтіндей жандығам,
Сағуд жақтың сарнай жеткен сұңқылы.
Қазағымды қалай аман қалдырам?
Қашан тояр адамдардың құлқыны?!



Пікірлер (0)

Пікір қалдырыңыз

Шағынатын шық таппай жүремін мен

  • 0
  • 0

Шағынатын шық таппай жүремін мен,
Арманым мен үмітім бір күнде өлген.
О, тәңірім, періште жүрегіммен,
Сенгім келген, сонан соң сүйгім келген...

Толық

Әлдекімді күте берем қашықтан

  • 0
  • 0

Әлдекімді күте берем қашықтан,
Жүректе жыр, тұла бойда қатып қан.
Құндылығы құрып кеткен өмірім,
Көңілімнің көрі азап, төрі мұң.

Толық

Елім бар ғой, егілсем, емізетін

  • 0
  • 0

Елім бар ғой, егілсем, емізетін,
Жерім бар ғой, жеңілсем жеңгізетін.
Тіпті Алматы аспаны бар пендеге,
Мөлдірліктің моншағын тең үзетін.

Толық

Қарап көріңіз