Өлең, жыр, ақындар

Дүниенің дым болмай думандары

  • 03.06.2019
  • 0
  • 0
  • 1185
Дүниенің дым болмай думандары,
Дарбазадай қалаға сыя алмаймын.
Қабағымды ұғынғыш туғандары,
Ашық-шашық, ауылды қиялдаймын.
Қымбат ауып әкем мен бабам жүрген,
Басқан ізі ақылға ақыл қосар.
Мейірімді даламнан табам бірден,
Жаман қайғы тозақпен бақұлдасар.
Төбелері төстерін айқара ашып,
Сырыңды ашсаң, сертіне қамыс берік.
Жолай алмай өтірік сайқал қашып,
Сексеуілдер сынбайтын намыс беріп.
Жырлар туып, бір ойға батады маң,
Шабыт құмды құйындай құтырады.
Түнді қуып, күн сүйіп атады таң,
Күдіктерді келмеске зытырады.
Таңнан бастап, тіршілік тыным көрмей,
Сосын кеші жымияр маған қарай.
Мен жүремін ешкімге жыным келмей,
Ойым таза, денім сау, санамда арай.



Пікірлер (0)

Пікір қалдырыңыз

Құштарлық

  • 0
  • 0

Жырым түгіл, осы сәт сөзім артық,
Шамданбай-ақ шабытым шешінеді.
Бір жұлдыздың ілкіде көзі тартып,
Шала ұйқылы мас бұлттар есінеді.

Толық

Сағыныштың соқпағы

  • 0
  • 0

Көкте тәңір айналғандай сараңға,
Мәні өмірдің минуттарға тұр сиып.
Аппақ сезім лайланып харамға,
Мен бақытты таба алмадым құр сүйіп.

Толық

Көңілімді көтерші

  • 0
  • 0

Сәуле шашпай, сыр түйіп кешім күміс,
Сағынышқа тұншығып көкірегім.
Шаттанғаным соңғы рет есімде еміс,
Көңілімді көтерші, өтінемін.

Толық

Қарап көріңіз