Өлең, жыр, ақындар

Аман тұрса туған ел

  • 03.06.2019
  • 0
  • 0
  • 1341
Сөздер емес, сезімдер дәптерімді,
Айналдырып махаббат майданына.
Мұң аймалап отырған сәттерімді,
Айырбастай алмаймын тойларыңа.
Адамдарды тіршілік құл еткенде,
Кілттеніп ап отырам ойларыммен.
Терезеден жып-жылы күн өткенде,
Мойын бұрып, қайыңдар бойларымен.
Сыбырлайды, сөйлей ме жапырақтар,
Сап-сары боп өкінбей тұрғанына.
Мен асыр сап ойнаған атыраптар,
Шалқыса ғой, батса ғой жыр балына.
Далам менің! Мен сенсіз табылмаймын,
Сенсіз менің бұлыңғыр бағытым да.
Бақыт іздеп, ел кезіп сабылмаймын,
Бар бақытым тек қана шабытымда.
Туған елім! Сен аман тұрсаң болды,
Батасынсыз елімнің қыр баспаңдар.
Көздерімді жол жаққа бұрсам болды,
Мұндалайды тумаған жыр-дастандар!



Пікірлер (0)

Пікір қалдырыңыз

Құмды сүйем, сен жүрген ізің бардай

  • 0
  • 0

Құмды сүйем, сен жүрген ізің бардай,
Ерінім жанып, елестеп жүзің қардай.
Бал түндердің базары тарқағасын,
Жаз жабырқау болғанда күзім сондай.

Толық

Арманымның асырардай шоқтығын

  • 0
  • 0

Арманымның асырардай шоқтығын,
Арып-ашып күн кешемін.
Далбаса.
Бұл өмірде ештеңем де жоқ, күнім,

Толық

Бар төзімім таусылып

  • 0
  • 0

Бар төзімім таусылып,
Жан сезімді ұшырдым.
Елесіңді қаусырып,
Келмесіңді түсіндім.

Толық