Өлең, жыр, ақындар

Баукең қайтқанда

  • 06.06.2019
  • 0
  • 0
  • 899
(Б.Момышұлына)

Қаралы хабар жетті,
Баукең жоқ деп,
Жүректі осып өтті жанған шоқ боп.
Ойлаушы ек бәйтерек деп құламайтын,
Ойлаушы ек сөнбейтұғын жарық от деп?!
Халқыңды қатты сүйдің арыңменен,
Бойында қайнап жатты дарын деген.
Өр бейнең өнеге еді өмірдегі,
Өткізген бықсып жанбай жалынменен.
Жанарың от шашушы еді айбаттансаң,
Тұрушы еді тұлғаң биік қайраттансаң.
Майданда майыспаған ақ семсерді,
Сұм ажал қалай ғана жайратқансың?!
Мен ұқтым сол бейнеңнен талай сырды,
Шар болат көк семсерім қалай сынды?!
Ақ туын әділдіктің тік ұстаған,
От жүрек, болат денең қалай тынды?!

11.06.1982.



Пікірлер (0)

Пікір қалдырыңыз

Ә-ге

  • 0
  • 0

Бермесең, бермей-ақ қой жұмысыңды,
Ешкім де жөн дей қоймас бұл ісінді,
Қарулы қаламгерлерді айдап шығып,
Кеңіткен болғансың ба тынысыңды.

Толық

Барвиха

  • 0
  • 0

Естімеген елде көп,
Ел білмеген пенде көп,
Атышулы болған соң,
Емделуді ұйғардық,

Толық

Әдемілік деген не?

  • 0
  • 0

Жұтынып тұрған сұлулық па?
Жоқ.
Бір-біріңнің сырыңды ұқ,
Суымайтын жылылық.

Толық

Қарап көріңіз