Жаналы әулие баба үні – Лұқпан Сисекенұлы

О, ұрпағым, үмітті аппақ таңым,
Өн бойында ып-ыстық аққан қаным.
Сенде менің – Алаш деп ұрандаған
Ең әдемі әуезді асқақ әнім!
Үніменен тіл қатқан ғасырлардың,
Сенде ұрпақ өшпейтін асыл нәрім.
Намыс құлы-қанатты ерліктерді,
Тарту қылдық сол үшін асылдарым.
Іждєт қылып имандық намазына,
Бас иместен тағдырдың азабына,
Шексіз-шетсіз далаңды қорғай білдік,
Ұрпақ саған қалсын –деп, мол қазына.
Арпалыстық ел үшін қан ағылды,
Соңғы тыныс біткенше қырағы үнді.
Өшірместен аялап алып келдік
Тіл мен дінің – қос жарық шырағыңды.
Өн бойына сыйдырған Ай мен күнді,
Шежірелі ой шертер ойлы үнді.
Ғасырларға тамырын терең жайған,
Алып келдік өлең жыр байлығыңды.,
Осында ежелгі жыр сырлы аңыздар,
Жоғалтпас қайнар көзің айдыныңды.
Аунап ал топырағына Ақ Мешіттің,
Серпісін кеудеңдегі уайым мұңды.
Ата жол қасиетін ұмытпастан,
Қор болмас бабасының даңқын ұққан,
Осында туып өскен Бекет бабаң,
Өзімнен ақ бата алып жолға шыққан!