Өлең, жыр, ақындар

Құралға

  • 10.06.2019
  • 0
  • 0
  • 2734
Атың — Құрал, құралың жоқ қолында,
Сенің түсер қақпаның көп жолында.
Неге келдің мынау майдан шебіне,
Болдың душар әлдекімнің кегіне.
Жазаң сенің—қойдан қоңыр мінезің,
Әлдекімге артық болдың бір өзің.
Өмірге сен өгей болып туғансың,
Туған күні-ақ жаспен бетті жуғансың.
Сол жасыңның биыл төктің қаншасын,
Төкпе, сақта жігердің тек баршасын.
Кейін — Құрал, керек болар жігерің,
Аман қайтсаң анаң, ауылың, өз жерің.
Қарсы алады, қайратыңды қайт жинап,
Қайратыңмен анаңды уат сен сыйлап.
Атың — Құрал, сен күштің қаруы,
Ел дертінің болғайсың бір даруы.


Пікірлер (0)

Пікір қалдырыңыз

Жасыл жапырақ арасында

  • 0
  • 0

Еседі жел кешкі самал,
Отыр ойнап қос өрімтал,
Жасыл жапырақ суылдайды
Сыбдырлайды көк шыбықтар.

Толық

Сүйем сені

  • 0
  • 0

Сүйем сені, асқар таудың өр басы,
Асылғанда ай толықсып төбеңнен.
Сүйем сені, шыққан күннің шұғыласы,
Жер мен аспан қуанышқа бөленген.

Толық

Дәуренбекке

  • 0
  • 0

Қаудырап тоңып,
Қарбаңдап қолың,
Жер қазасың Дәуренбек.
Өзіңді зорлап,

Толық