Сапарғали Бегалин

Қарындасқа

Бұл бетте «Қарындасқа» атты Сапарғали Бегалин жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.06.2019
0
0
2640

Сәулем Шәни,
Келші кәні,
Берші қолды ағаңа.
Еркіндік ап,
Жүрмей жылап,
Жетті көзің бағыңа.
Совет заңы—
Бақыт таңы
Болды саған, азатсың.
Тылсым өмір,
Жабы көңіл
Қайта оралмай шым батсын.
Өшті ғұрып,
Дауыл ұрып,
Октябрь кеп үйретті.
Ұлы Октябрь
Беріпті нұр,
Қайта гүлдеп жайнапсың.
Азат құс боп,
Бейне алтын шоқ,
Шығып үнің сайрапсың.
Жолың ашық,
Нағыз басып,
Ұмтыл алға, қарындас.
Бұйықпа бос,
Өмірге үн қос,
Өнерге ұмтыл, жолыңды аш.
Қолыңды бер,
Именбе кел,
Мен ағаңмын, досыңмын,
Еркін ару,
Өнер—қару.
Тап, тобыңа қосылдың.

1924

Сапарғали Бегалин Қарындас қарындасқа Сапарғали Бегалин өлеңдері

Пікірлер (0)

Пікір қалдырыңыз

Жиі қойылатын сұрақтар