Өлең, жыр, ақындар

Жаз тезірек жетсе екен

  • 10.06.2019
  • 0
  • 0
  • 1471
Ызғары тарқап, күн жылып,
Жаз тезірек шықса екен.
Жымыңдап жұлдыз, ай күліп,
Ызғырық жерге бұқса екен.
Жапырағын жайып аққайың,
Балбырап аспан бойласа,
Серуендеп жас қыз күн сайын
Сүйгенін құшып ойнаса.
Бар арманы сол болып,
Сүйенер бір қыз қайыңға.
Сұлуға тезірек жол болып,
Түсірмей көктем уайымға.
Жетсе екен, жайнап жазғы іңір.
Ай толықсып көгінде.
Айтылса жардан жан сыбыр,
Қалдырмас күдік көңілге.
Опасын кейін көрмей ме,
Жас жүрек бассын жалынын.
Сенімін жас жар бермей ме,
Жартысын қолға ап жанының.
Шіркін, жастық жалынсың,
Шарпылмай өтер қай жүрек.
Жас жұбай жапырақ жамылсын,
Жетсе екен сол жаз тезірек.



Пікірлер (0)

Пікір қалдырыңыз

Сұлулық, жастық қайнары

  • 0
  • 0

Теміртаудың тепсеңінде бір қайнар
Мөп-мөлдір боп жатыр шығып тереңнен,
Бұл қайнардан аңыз болған көп жайлар,
Шежіре қыз айтса халық кенелетін.

Толық

Бестау

  • 0
  • 0

Шоқы деген атау жоқ па,
Неге Бестау деп атаған?
Төбе тау ғой тауы жоққа
Болса да дөң жап - жатаған.

Толық

Ана әмірі

  • 0
  • 0

Сүмбіле түні мұнартып,
Жүзді ай аспан еркесі,
Малынды шыққа бу тартып,
Днепрдің өлкесі.

Толық