Өлең, жыр, ақындар

Күзгі бақ

  • 20.06.2019
  • 0
  • 0
  • 5092
(Әні бар)

Келіп ем күзгі баққа мен,
Нуларымды іздеп шулаған.
Оқымақ болып жатқа өлең —
Шумағымды іздеп тумаған.
Жадырап қабақ ашпады,
Тарқапты бақтың базары.
Көз жасын сілкіп тастады,
Шыбықтың сынып назары.
Қарсы алды терек аһылап —
Жігіт пе дерсің сөзге азған.
Жел жұлған көгіс жапырақ —
Үміт-көгершін көз жазған.
Мәжнүн тал тұр жүз жылап,
Ызғырық соқса тастарға.
Қанатын жайып күзгі бақ,
Кетердей ұшып аспанға.
Абыржып тұрған жайым бар _
Таптырмай ізін ән шағым.
Мұңайып қалды қайындар —
Сипап ем салқын саусағын.
Жөнелген іздеп көктемді —
Бұлбұлдар салған қыршын ән.
Еске сап өткен-кеткенді
Шығады үн қайдан сыңсыған?
Жаз өтті.
Мен де бастықтым.
Табатын байыз соқты сәт —
Жапырақ жатыр,
Жастықтың
Өртінен қалған шоқ құсап...


Пікірлер (0)

Пікір қалдырыңыз

Cәттіғұл бейітінің басында

  • 0
  • 0

Кетпек болып тәу етіп атты бұрдым,
Қапты бір мұң.
Қабақты жапты кірбің.
Жатты жырдың моласын шағыл басып:

Толық

Алатауға қарап

  • 0
  • 0

Алатауға ақ қар жапқан мәңгілік
Барғым келед бұлтпен бірге қаңғырып.
Үндемейді басылған жел таңға ұлып,
Қарсы алады қарқ - қарқ етіп қар күліп.

Толық

Аманат

  • 0
  • 0

Өшіріп үнін бабадан жеткен бағзы әннің,
Төріме шығып,
Көріме дейін қазған кім? —
Ұғынсаң, ұлым, мен де алғаш өмірбаянды

Толық