Асқаржан Сәрсеков

Мысықтың айласы

Қазақша өлең мәтіні, өлең жолдары және толық нұсқасы.

24.06.2019
0
0
2055

– Мияу, мияу, мияу, – деп,
Аш Мысық жүр бұралып.
– Зәлім Мысық мынау! – деп,
Тышқан танып тұр анық.

Шығар емес інінен,
Жатыр бұғып жай ғана.
Алдайын деп мұны мен,
Мысық көшті айлаға.

Даусын кенеп бір тұстан,
«Әуп-әуп» деді, «ыр-р» деді.
Ит деп ойлап сұр Тышқан:
– Тиіспейді бұл, – деді.

Шыққан кезде інінен,
Нағыз шатақ басталды.
Аңдып жүрген күнімен
Мысық бірден бас салды.

Майлап солай құлқынын,
Пеш қасына кеп отыр.
– Шет елдің де бір тілін
Білген жақсы! – деп отыр...

Асқаржан Сәрсеков мысық айла тақпақ мысықтың айласы Асқаржан Сәрсеков өлеңдері

Пікірлер (0)

Пікір қалдырыңыз

Жиі қойылатын сұрақтар