Нұрхан Жанаев

Бәрі әлдиден басталсын

Бұл бетте «Бәрі әлдиден басталсын» атты Нұрхан Жанаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.06.2019
0
0
1674

Тіл үйрету бөбекке,
Басталады әлдиден.
Тіл үйрету керек пе,
Шығар тілі әлдимен.

«Әлди, әлди, бөбегім! –
Әліппесі тіліңнің.
«Әлди, әлди, бөбегім! –
Бастауы үлкен білімнің.

«Әлди, әлди, бөбегім!» –
Болсын бесік өлеңің.
Сол әуенің, өлеңің,
Желкілдетер желегін.

«Ана» сөзін айтқаны –
Танығаны тілін де.
Өзін-өзі тапқаны,
Саулық тіле гүліңе.

«Ата» сөзін айтқаны –
Жігіт болдым дегені.
Жасыл желек бақтағы:
«Жеміс пісті» дегені.

Тіл үйрету бөбекке,
От басынан басталсын.
Балабақша, мектепте
Одан әрі жалғассын.

Сонда ғана елінің,
Сонда ғана жерінің
Болар азаматы үлкен –
Биіктен айтар өз үнін!

Нұрхан Жанаев тақпақ әлди бөбек бәрі әлдиден басталсын Нұрхан Жанаев өлеңдері

Пікірлер (0)

Пікір қалдырыңыз

Жиі қойылатын сұрақтар