Өлең, жыр, ақындар

1946–да туғандар...

  • 04.07.2019
  • 0
  • 0
  • 1153
Мың тоғыз жүз қырық алтыда туғандар,
Бір сыр айтам, мойын бұра тыңдаңдар.
Шат өмірге күліп келген думандар,
Қайғы бұлтын қаралы елден қуғандар,
Қасіретті жуғандар,
Құрдастарым бір сыр айтам тыңдаңдар.
Соғыс бітті...
Солдат елге оралды,
Оралды да жас құрғатты жанарды.
Әке менен Ананы табыстырды сағыныш,
Сағыныштан құмар қалай қанар-ды.
Біздер солай,
Күрсіну, аңсаудан тек жаралдық,
Ел қорғаған ерлердің төлеуі боп оралдық.
Үзілмеген үміттің сәулесінен нәр алдық.
Батырлардың рухы болу керек біздерде,
Олар үшін бақыт құс қону керек біздерге.
Теңіздердей бұрқанып толу керек біздерге,
Сан асқарлар, сан шыңдар көну керек біздерге.
Арыстанша алысып тап солардың өзіндей,
Қажет кезде әдемі өлу керек біздерге.
Құрдастарым,
Бір мезгілде туғандар,
Шат өмірге күліп келген думандар,
Қайғы бұлтын қаралы елден қуғандар,
Қасіретті жуғандар,
Бұл сырымды сәл ойлана тыңдаңдар!!!



Пікірлер (0)

Пікір қалдырыңыз

Туған күнді тойламаймын

  • 0
  • 0

Мейлі сана наданға,
Мейлі теңе жаманына одан да.
Туған күн де, өлген күнде біреу-ақ,
Адамда.

Толық

Ай

  • 0
  • 0

Баяу жүзген аспандағы,
Аспандағы ай мына,
Ортақ болған о, адамзат шаттығыңа, қайғыңа.
Қалың бұлтты ысырғандай, күлім көзі жарық етіп,

Толық

Маңғыстау жайлы жыр

  • 0
  • 0

Көмiлулi сырың көп,
Маңғыстауым – Бесiгiм,
Сол сырларды ашуға талаптансам несi мiн.
Жетегiмен шабыттың артық кеткен тұстарға,

Толық

Қарап көріңіз