Өлең, жыр, ақындар

Сурет

  • 19.07.2019
  • 0
  • 0
  • 1404
Мені көріп алыстан,
Бір топ бала жүгірді.
Сол бетімен жарысқан
Мені қоршап үлгірді.
– Ағай, ағай, бері кеп,
Түсіріңіз мені тек.
– Ағай, ағай, мені де
Түсіріңіз көбірек.
Осылай сан-сапалақ
Жауып кетті өтініш.
Ашылды тез аппарат,
Мұндай жерде не тұрыс?
– Асықпаңдар, төз, бірақ,
Саспағын, – деп, – саспағын,
Аппаратты көзеп ап,
Сыртылдата бастадым.
Деген едім жалма-жан:
– Түспей қалған кім екен?
Анадайда Алмахан
Оңашалау тұр екен.
Бұртиды ол өкпелі:
– Жеке түскім келмейді.
Жалғыз жүрсем шеткері,
Мені ешкім көрмейді.
Жалғыз кіммен ойнаймын?
Жалғыз ішім пыспай ма?
Жалғыз нені ойлаймын?
Жалғыз зәрем ұшпай ма?
Барлық бала сол замат
Қателерін түсінді.
Алмаханды ортаға ап,
Суретке бір түсірді.



Пікірлер (0)

Пікір қалдырыңыз

Мөлдір моншақтар

  • 0
  • 0

Таң атады жаңа,
Мөп-мөлдір моншағын таға.
Таң атады жаңа,
Жайнайды жауқазын дала.

Толық

Абылай хан

  • 0
  • 0

Сөз бастадым, а, Құдай,
Атсын әппақ таңым-ай.
Ерлерімді қолдай гөр,
Қысылғанда жаным-ай.

Толық

Бір өзің

  • 0
  • 0

Жаным, сенің алай-түлей мінезің:
Мені отқа пісіретін де бір өзің,
Мені оттан түсіретін де бір өзің.
Кейде көкке барып келіп,

Толық

Қарап көріңіз