Бөбектер жыры

Оянамыз таң нұрымен,
Аттанамыз бақшаға.
Қарсы алады ән-жырымен
Бақшамызда жақсы ана.

Қайырмасы

Қызғалдақтай гүл жайнаған
Бақшамызға қараңыз.
Бірге жүріп, бірге ойнаған
Біз бақытты баламыз.

Кешке дейін еңбек етіп,
Келгенінше анамыз,
Біз де үйден ертелетіп
Бақшамызға барамыз.

Қайырмасы:

Қызғалдақтай гүл жайнаған
Бақшамызға қараңыз.
Бірге жүріп, бірге ойнаған
Біз бақытты баламыз.

---