Мүмкін, сен үмітімді аз ақтарсың

Мүмкін, сен үмітімді аз ақтарсың,
Мүмкін, сен ақын жанын азаптарсың.
Бәрібір, кінәлауға еш қақың жоқ,
Мүсәпір жағдайымды мазақтарсың.
Жырымды көңілсіздеу ақтарарсың,
Содан соң басқа жаққа аттанарсың.
Бір ақын өле-өлгенше ғашық болып,
Мен жайлы көп жазды деп мақтанарсың.
Мен-дағы міндетімді атқарармын,
Алдыңда арманымды атқарармын.
Жақсы ақын жасады деп мені бір қыз,
Ырза боп о дүниеге аттанармын.

---