Абдрахман Асылбек

Адам туралы жыр

Бұл бетте «Адам туралы жыр» атты Абдрахман Асылбек жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

05.08.2019
0
0
1658

Сен шын адам екенсің –
Болаттан да бекемсің.
Шындықпенен өрілген
Шетілмейтін шетенсің.
Сен адамсың – алыпсың,
Бар әлемге жарықсың.
Қайтпайтұғын сертінен,
Екі айтпайтын қалыпсың.
Сен адамсың – ұлысың,
Сапалардың нұрысың,
Таңғажайып табысты
Бірісіңнен бір ісің.
Сен адамсың асқарсың,
Жаудың жүзін жасқарсың.
Қалың елді қашанда
Бақытына бастарсың.
Сен адамсың – адалсың,
Ар-ожданың – әміршің.
Көсегеңді көгерткен
Ақыл, кеңес, әділ сын.
Сен адамсың ерек тым,
Келеді елді тең еткің.
Бар адамды бақытқа
Келеді тез кенелткің.
Сен шын адам екенсің –
Болаттан да бекемсің.
Шындықпенен өрілген
Шетілмейтін шетенсің.

Абдрахман Асылбек адам жыр адам туралы жыр Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар