Өлең, жыр, ақындар

Араздасқан ағайындарға

  • 05.08.2019
  • 0
  • 0
  • 4206
Отырайық, ағайын,
Туысқан боп, туған боп.
Ашып жанның сарайын,
Таң-тамаша, думан боп.
Бірімізге біріміз
Қадырменді аға боп.
Төгіліп ән, жырымыз,
Елтірі топ, жаға боп.
Бірімізге біріміз
Ілтипатты іні боп.
Күлім қағып күлеміз,
Қырдың қызыл гүлі боп.
Бірімізге біріміз
Араздықты азайтып,
Жараспай ма мұнымыз.
Отырыссақ наз айтып?
«Алтау ала болғанда,
Ауыздағы кетеді».
Ұйысып бір қорғанға,
Ұғыныссақ не етеді?
«Төртеу түгел болғанда,
Төрге басың жетеді».
Ұқсап жасыл орманға,
Жайқатылсақ не етеді?
Ашып жанның сарайын,
Таң-тамаша, думан боп,
Өтейікші, ағайын,
Туысқан боп, туған боп.



Пікірлер (0)

Пікір қалдырыңыз

Еліту

  • 0
  • 0

Кел, құрбым, қыр басынан гүл терейік,
Гүл шоғын жібек желмен күлтелейік.
Аралап Алатаудың атырабын,
Жас қайың жапыраған бүркенейік.

Толық

Жаңбыр

  • 0
  • 0

Түсімде жаңбыр төгіп тұр,
Терезе кағып, төніп тұр.
Сезініп келген көктемді,
Қызықты деймін молықтыр.

Толық

Алфавитпен аттайық

  • 0
  • 0

Алфавитпен аттайық,
Айтқан тілді ал, күнім.
Алдыменен жаттайық
Аңдап жүру тәртібін.

Толық

Қарап көріңіз