Қайда жүрсің, көктемім – Абдрахман Асылбек

Бұл бетте «Қайда жүрсің, көктемім» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 05.08.2019
  • 0
  • 0
  • 2186
Көркем едің –
Қиғаш қара қас едің.
Көркем едің –
Қою қолаң шаш едің.
Елте бердім –
Күлкіңе де мас едім.
Ерте көрдім –
Ол кезде тым жас едің.
Ағаладың –
Алдан қиып өтпедің.
Бағаладың
Сөздерімді көп менің.
Араладым
Алатаудың бөктерін.
Аяладым –
Аяулы шат көктемім...
Өтті жылдар –
Артқан азап аз ба еді?
Өтті мұңдар –
Арайлы таң саз берді.
Өтті ызғар –
Біздің жаққа жаз келді.
Кетті мұз, қар –
Аққу, үйрек, қаз келді.
Алаңдадым –
Тыншымды алып түздегі үн.
Даламда нұр –
Көріп аққу тізбегін,
Таман бардым –
Талмай сені іздедім.
Таба алмадым –
Үмітімді үзбедім.
Ағаладың
Алдан қиып өтпедің.
Бағаладың
Сөздерімді көп менің.
Араладым
Алатаудың бөктерін.
Таба алмадым –
Қайда жүрсің, көктемім?


Пікірлер (0)

Пікір қалдырыңыз

Жиі қойылатын сұрақтар

Қайда жүрсің, көктемім өлеңінің авторы кім?

Абдрахман Асылбек — осы өлеңнің авторы.

Қайда жүрсің, көктемім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қайда жүрсің, көктемім өлеңі не туралы?

Бұл өлеңде Абдрахман Асылбек өз ойы мен сезімін көркем түрде жеткізеді.

Қайда жүрсің, көктемім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері