Өлең, жыр, ақындар

Асқақ арман

  • 05.08.2019
  • 0
  • 0
  • 2596
Асқақ арман, аңсаған үміт әнім
Қалай ғана мен сені ұмытамын?
Жанарыңның жарқ еткен жалынына
Жабырқаңқы жанымды жылытамын.
Асқақ арман, аңсаған ақ маңдайлым,
Бақытымды өзіңмен тапқандаймын.
Көңіліме зәредей қаяу түссе,
Қабырғама батады батпан қайғың.
Асқақ арман, аңсаған ай қабағым,
Қазығыңа арқан боп байланамын.
Дөңгеленген сен Жердің өзі болсаң,
Серігің боп мен сені айналамын.
Асқақ арман, аңсаған ақтамағым,
Жыр ағынын алдыңда ақтарамын.
Шабыт алып өзіңнен, бағыт алып,
Ғасырларға келешек аттанамын.



Пікірлер (0)

Пікір қалдырыңыз

Медалист мысықай

  • 0
  • 0

Оныншыны шамасы
Бітіреді Мысықай.
Қылығына қарашы,
Мысықтың тым пысығы-ай:

Толық

Мен сені қалай көрдім

  • 0
  • 0

Мен сені қалай көрдім,
Қасыңа жанай бердім.
Жалт еткен жанарыңмен
Жаныма арай бердің.

Толық

Біздің ту

  • 0
  • 0

Отан туы желбіреп,
Көз тартады құбыла.
Біз қараймыз елжіреп
Туған елдің туына.

Толық