Мен кіммін? – Абдрахман Асылбек

Бұл бетте «Мен кіммін?» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.08.2019
  • 0
  • 0
  • 3090
О, Алла, Алла!
Жерімді, Елімді,
Өзімді жаратқан
Бір өзіңе құлмын.
Өз жерімде күнмін,
Өз елімде дүрмін.
Жерім мен елім үшін,
Еңбек етіп жүрмін.
Өз ділімді.
Өз тілімді
Көтермесем, кіммін?
Онда мен жүнжіген жүнмін,
Алақұйын жынмын.
Ұнатпасам өз тілімді,
Ұстамасм өз дінімді,
Онда мен кіммін?
Алдым – ор, терең құрдым.
Сондықтан да, елім үшін,
Туған жерім үшін,
Жауға қарсы тұрдым,
Басымды құрыққа ілдім.
Қақтамасам қанымды,
Сақтамасам арымды,
Бермесем елге барымды
Онда мен не үшін тудым?
Тер төкпесем ел үшін,
Өмірге келдім не үшін?
Не мақсатты қудым?
Құлшылық етсем Құдайға,
Оңымнан туып Күн, Ай да,
Бөленермін шапағатына нұрдың.
Жарылқай гөр, Жаратқан,
Өзіңмен жарық таң атқан,
Өзіңмен адам болып жүрмін.
Өзіңмен ғана ұлмын,
Өзіңе ғана құлмын.


Пікірлер (0)

Пікір қалдырыңыз

Жиі қойылатын сұрақтар

Мен кіммін? өлеңінің авторы кім?

Абдрахман Асылбек — осы өлеңнің авторы.

Мен кіммін? өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Мен кіммін? өлеңі не туралы?

Бұл өлеңде Абдрахман Асылбек өз ойы мен сезімін көркем түрде жеткізеді.

Мен кіммін? өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері