Қақырап бір қабырғам

Қақырап бір қабырғам,
Омырылып омыртқам.
Жүрісімнен жаңылғам,
Сойыл тиіп тобықтан.
Мүжіліп өзек, қиылып
Шатасып ақыл-санадан.
Несібем жатқа бұйырып
Жүрегім өлді жарадан.
Қаңғыбас ит құтты ішіп,
Арымның аузы қан болған.
Бүкетіліп, бүк түсіп,
Орта жолда дағдарғам.
Құйылды да көзге құм,
Ортаға түсті шаңырақ.
Жетегінде өзгенің
Бір қозы кетті маңырап.