Өлең, жыр, ақындар

Шаруа мен қой

  • 08.08.2019
  • 0
  • 0
  • 1136
Шаруа Қойды сотқа берді айыптап;
Түнде маған қиянат іс қылды деп.
Табан асты талқан болып Түлкі сот,
Екі жаққа сұрақ қойды байыптап,
Бастан-аяқ баяндауын өтінді:
Айыпкерге кінә тақпақ не түрлі?
Шаруа айтты: «Осы жақын арада,
Ерте тұрып, таппадым қос тауықты,
Орнында тек жүн-жұрқасы қалыпты,
Жалғыз ғана Қой бар-тұғын қорада».
Түні бойы ұйқтадым деп Қой тұрды,
Куәлікке көршілерін келтірді.
Олар айтты: «Қойда сөз жоқ е деген,
Не ұрлықты
Білмейді не қулықты
Және, тіпті, ет дегенді жемеген».
Түлкі, бірақ, шығарды үкім не деген?
«Қойдың сөзін тыңдап сірә болар ма?
Дау тыйылсын одан да,
Өсекшілер әрқашанда әккі ғой.
Қарар болсақ сол түнгі анықтамаға –
Қасынан Қой кетпей қойған қадала,
Тауық шіркін тәтті ғой.
Жағдай туған қолайлы,
Білем оны өз арыма орайлы:
Кетсе ниет ауып бір,
Жемей болмас Тауықты.
Қой жазасын тарту керек сол үшін,
Етін сот жеп, құнкер алсын терісін».



Пікірлер (0)

Пікір қалдырыңыз

Қасиетті кескін

  • 0
  • 0

Қашан да құрмет патшаға,
Көндіккен соған санамыз,
Суретін сәндеп саламыз
Теңгеге, яки ақшаға.

Толық

Білмейді

  • 0
  • 0

Күнді де біреу күн дейді,
Жарқыраған нұр дейді.
Бірақ, күннің өзінде
Түнек барын білмейді.

Толық

Бір күшік пен бір құрлық туралы ертегі

  • 0
  • 0

Түрлі-түрлі ертегі
Тұла бойды ерітеді.
Түні бойы тыңдаймыз,
Қасып қойып желкені.

Толық

Қарап көріңіз