Корейская косметика премиум класса

Тәңірге

Өткелдері өткен сайын қиындаған,
Жанымда жалын барда құйындаған.
Бұйымтайсыз кетсем де бұл өмірден
Сыйыңды бер, Тəңірім, бұйырмаған.

Мейлі, жүрміз сынаққа төзіп ұяң,
Ішім толған мұң, бірақ, жүзім баян.
Жарияға жар салып айтпасам да,
Тілегенім, Тəңірім, өзіңе аян!

Сезбеген ем жанымның тұншығарын,
Қайталанып жатқандай бұл шығар үн.
Дəлелдедің тағы да сабыр қылса,
Қара бұлттың артынан Күн шығарын.

Тəтті тілек болса да қандай да бір,
Жақсысы да, жаманы таңдайда тұр.
Періштедей ғұмырды қаласақ та
Көре алмаймыз жазуды маңдайдағы.

Жетсінші деп пендеңнің ақ тілегі,
Сен бұйыртқан сəтті жол тапты мені.
Тоғыспалы, тайғақтау тағдырыма —
Төселсе екен Тəңірдің ақ кілемі!

Авторы: Дина Литпин


Қарап көріңіз


×