Өлең, жыр, ақындар

Қасқырлар мен қойлар

  • 10.08.2019
  • 0
  • 0
  • 1368
Қойларға күн көрсетпеді Қасқырлар,
Талай желке қиылды.
Қорғау жағын қарастырды басшылар.
Қойлар үшін тиімді
Кеңес құрып жиылды.
Көп бөлігі Қасқыр еді кеңестің,
Барлық Бөрі бірдей жыртқыш емес-тін.
Талай момын Қасқырды мен білген де ем,
Ондай мысал естен шыға қойған ба?
Отарға тым жақынырақ жүргенмен,
Тоқ кезінде тиіспейтін Қойларға.
Онда неге кеңеске қатыспасын ол мына?
Керек десе, кінәлаймыз Қойды да,
Қасқыр мүлдем жау емес қой ойлыға.
Ну орманда басталды сол кеңес те,
Болды ұсыныс, пікірталас, егес те.
Ақырында ойлап тапты заңды олар,
Былай десек, сондағы сөз дәл болар:
«Егер Бөрі бұзылып,
Шапса отарға қызығып,
Оны Қойлар қамалай,
Бет-жүзіне қарамай,
Сүйреп жүріп болсын сотқа баратын,
Ормандағы маңайда».
Еш нәрсе жоқ заңға қосып, алатын,
Әлі күнге көріп келем: алайда,
Дегенімен, Қасқырға ешкім тимеді,
Салса-дағы ойранды.
Керісінше, олар әлгі Қойларды
Тоғайларға сүйреді.



Пікірлер (0)

Пікір қалдырыңыз

Жарлы бай

  • 0
  • 0

«Бай болу не күйлі аса,
Ішіп-жеуге өзіне-өзі қимаса,
Ақшаны тек жинаса?
Өлгеннен соң бәрі қалар артында,

Толық

Көкектің келбеті

  • 0
  • 0

Көкек Қарлығашқа келіп,
Жылы сәлем беріп,
Былай деді:
– Мейірлі,

Толық

Аяла мені

  • 0
  • 0

Саған қолым жете ме?
Айтсам, сөзім өте ме?
Болсам жақын етене
Деп ойлаймын.

Толық

Қарап көріңіз