Өлең, жыр, ақындар

Меңгеруші қоян

  • 10.08.2019
  • 0
  • 0
  • 2022
Таныстардың сыйлығымен,
Арыстанның бұйрығымен
Қоянға бақ қона қалды,
Меңгеруші бола қалды.
Шағын ғана бөлімшеде
Барлық билік берілсе де,
Қоян бірақ қорқақ еді,
Шаруаға шорқақ еді.
Ешкім оны тыңдамады,
Соншалықты қыңбағаны:
Ит өзінше жүріп кетті,
Иттік жасап, үріп кетті.
Түлкі өзінше жүріп кетті,
Қулық жасап, күліп кетті.
Аю баққа кіріп кетті,
Омартаны іліп кетті.
Бөрі отарға кіріп кетті,
Біраз койды қырып кетті.
Бәрі осылай жүріп жатты,
Қоян үнсіз бұғып жатты.
* * *
Ұқ мысалдың мәнісін:
Болса да мың танысың,
Қолдан келмес билікке
Қоян болып килікпе.



Пікірлер (0)

Пікір қалдырыңыз

Тірілсін десек тіліміз

  • 0
  • 0

Тірілсін десек тіліміз,
Түрілсін десек түніміз,
Болуы керек бұлтақсыз
Ата заңымыз – піріміз.

Толық

Қазақстан – кеше, бүгін, ертең

  • 0
  • 0

Қазақстанның кешегісін көрмедім,
Өйткені, мен онда өмірге келмедім.
Оқыдым ғой тарихтан да аздаған,
Аталардың білем айтып бергенін:

Толық

Тойлайық

  • 0
  • 0

Сен келгенде өмірге,
Бақ жанды деп ойладық.
Күй күмбірлеп көңілде,
Думандатып тойладық.

Толық