Өлең, жыр, ақындар

Жаңаөзен – жаңа кезең

  • 23.08.2019
  • 0
  • 0
  • 2502
Тоқ бола ма, аш бола ма?
Өзіне адам қас бола ма?
Ана емшек береді ме,
Жыламаса, жас балаға?
Жас баланы жылатпайық,
Абайсызда құлатпайық.
Қарап қас пен қабағына,
Әр қадамын қуаттайық.
Бала неден тосылады?
Қатарға тез қосылады.
Туған ел мен туған жердің
Абыройын асырады.
Өтіп жатыр бала кезең,
Алда әлі дана кезең.
Еліміздің бір бесігі –
Тербетілген Жаңаөзен.
Демейді ешкім азғындайық,
Ол үшін ор қаздырмайық.
Емшек сұрап жылады деп,
Жас баланы жазғырмайық.
Тал бесікті тербетейік,
Тербетейік, төрлетейік.
Ұлдар еркін бой көтеріп
Ел қатарлы ержетейік.
Елбасының өзі келді,
Жаңаөзенді көзі көрді.
Жұртшылықты жандандырған
Шын қамқорлық сөзі болды.
Ақ жарылып пәк жүректер,
Ақтарылды ақ тілектер.
Қуанышты алып ұшып,
Көкке қанат қақты кептер.
Жаңаөзен, Жаңаөзен,
Есілмен тең ағады өзен.
Ұлы байтақ елімізде
Басталды бір жаңа кезең.
Өтіп жатыр бала кезең,
Алда әлі дана кезең.
Жаңаөзен, Жаңаөзен –
Басталды бір жаңа кезең.



Пікірлер (0)

Пікір қалдырыңыз

Бәрін де шешіп қас қағымда

  • 0
  • 0

Бәрін де шешіп қас қағымда,
Бала мен байды тастадың да,
Ілесіп маған жүріп кеттің,
Бақытқа шексіз бастадың да.

Толық

Өзіңді алғаш көргенде сол күні мен

  • 0
  • 0

Өзіңді алғаш көргенде сол күні мен,
Алаулаған сезімнің толқынымен
Көбелектей көлбеңдеп көз алдыңда,
Он отырып, орнымнан он тұрып ем.

Толық

Ұйықта, бөпем

  • 0
  • 0

Күлкің сенің таң нұрындай арайлы,
Тереземнен сәуле болып тарайды.
Мойныма сен еркелеп кеп асылсаң,
Болашағым бақытымдай қарайды.

Толық

Қарап көріңіз