Өлең, жыр, ақындар

Қарғаның кеңесі

  • 25.08.2019
  • 0
  • 0
  • 1559
Кандидат Қарға
Қонып ап талға,
Қырғиға ақыл айтты,
Ақылын батыл айтты:
– Іні екенсің екпінді,
Бірақ, самғап ұшқанда,
Шүйілгенде дұшпанға,
Таныт нағыз тепкіңді.
Торғай қуып не етесің?
Қасқырдың түс соңынан.
Бүрсең де тау текесін,
Келеді ғой қолыңнан.
Қырғи айтты:
– Қарға аға,
Өйтіп босқа сарнама.
Алғанмын мен дәрісті
Профессор Қыраннан.
Үйретіп ол әр істі,
Білімді етіп шығарған:
«Мерт боларсың қапыда,
Тізгін берсең құлқынға.
Күшің жетпес затыңа, –
Деген еді, – ұмтылма».
Қуарып Қарға кескіні,
Бұл сөзден соң өшті үні.
* * *
Танып алмай маңайды,
Кейбіреулер тәкаббарсып қарайды,
Басқаларды білімсіз деп санайды.



Пікірлер (0)

Пікір қалдырыңыз

Ана тілім

  • 0
  • 0

Ана тілім – ананың ақ тілегі,
Бесік жырмен бөбектер шат күледі.
Дәмі мәңгі есінде қалып қояр,
Тал бесікте тілімен татты нені.

Толық

Бай мен етікші

  • 0
  • 0

Өмір сүрді мол байлығы бар адам,
Тәтті жеп, бал жалаған.
Күнде думан, күнде жиын үйінде,
Дүние-мүлік есебі жоқ күйінде.

Толық

Жақсылыққа барғаның

  • 0
  • 0

Жақсылыққа барғаның –
Жалын атып жанғаның.
Жақын тұтып жатты да,
Құшағыңа алғаның.

Толық