Сыйлық

Бұл бетте «Сыйлық» атты Жеңіс Қашқынов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 16.09.2019
  • 0
  • 1
  • 2116
- Сенің туған күнің, - деп,
Беске толдың бүгін, - деп.
Менің ағам Нұрғалы,
«Ойыншық-хоккей» сыйлады.
- Біліп алмай болмайды,
Бұны былай ойнайды, -
Деп дәлдеп кеп қақпаны,
Ал шайбаны атпады.
Ағай тағы көздеді,
Ал серігі төзбеді.
Ол кісі айтты:
- Егер сен
Торға шайба түсірсең.
Сонда қалай шыдар жан,
Шығасың ғой құмардан.
Нысанаға тимеді,
Ашулы ағай бүй деді:
- Сіз азырақ шыдағын!
Қазір қайта ұрамын.

2
Бұған анау көнбеді,
Өз кезегін бермеді.
- Қара да тұр, мен енді,
Көрсетейін өнерді.
Ұрып еді шайбаны,
Қақпаға доп бармады.
- Тағы да ойнап көрейік,
Жеңіліп не жеңейік.
Жеңбек ойы қалайда,
Білек түрді ағай да.
Торға шайба салмақшы,
Ойын қайта жалғасты...
Ештеңені ұқпадым,
Ойыннан мен сырт қалдым.
Бірі ұтылып, бірі ұтты,
Мені олар ұмытты.
Айтыңдаршы шындықты,
Кімге әкелген сыйлықты?


Пікірлер (1)

Кимадиева Айназ

Керемет бірақ дұрыс тақпақ бар ма?

Пікір қалдырыңыз

Жиі қойылатын сұрақтар

Сыйлық өлеңінің авторы кім?

Жеңіс Қашқынов — осы өлеңнің авторы.

Сыйлық өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сыйлық өлеңі не туралы?

Бұл өлеңде Жеңіс Қашқынов өз ойы мен сезімін көркем түрде жеткізеді.

Сыйлық өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері