Кесапаттан құтыл бүгін

Бұл өмірге кім келіп, кім кетпеген
Әр минутыңды санап жүру міндет пе екен?
Өмірде осы біліп пе ең, адамзат,
Құритынын күнің арақ деген індеттен.

Жырладым арам мен адалдықты,
Жырладым кеудемнен ұрған шындықты.
Бірақ ойламадым жырлаймын деп,
Арақ деген ажал қуған сұмдықты.

Аллам сені не үшін жаратты,
Ойладың ба, ей адамзат, бұл жайтты.
Парыз ғой бұл өмірде үй салу,
Ағаш отырғызып, жалғастыру ұрпақты.

Ал арақпен дос болсаң бітеді,
Бақыт толы өмірің болады ертегі
Салың суға кетіп, қасыңа,
Арақпен қоса қайғы – мұң келеді.

Асылы бұл дүниеде өз өмірің,
Райыңнан қайтарсың мүмкін.
Айырылғың келмесе жақындардан,
Арақ деген кесапаттан құтыл бүгін.

---